Suối tóc vàng (sonnet) Les cheveux blonds, sonnet

Les cheveux blonds, sonnet

Fin or de qui l’eſclat eſt ſans comparaiſon,
Clairs rayons d’vn Soleil, douce & ſubtile trame
Dont la molle estenduë a des ondes de flame
Où l’Amour mille fois a noyé ma raiſon.

Beau poil voſtre franchiſe eſt vne trahison;
Faut-il qu’en vous monſtrant vous me cachiez Madame?
N’eſtoit-ce pas aſſez de captiuer mon Ame,
Sans retenir ainſi ce beau corps en priſon?

Mais, ô doux flots dorez, voſtre orgueil ſe rabaisse,
Souz la ſeuerité d’vne main qui vous preſſe,
Vous allez comme moy perdre la liberté.

Et i’ay le bien de voir vne fois en ma vie
Qu’en liant le beau poil qui me tient arreſté,
On oſte la franchiſe à qui me l’a rauie.