Chủ đề: Bài ca của những người bị treo cổ (François Villon - Pháp)

Tên bài thơ: Bài ca của những người bị treo cổ
Tên nguyên gốc: Ballade des pendus
Tác giả: François Villon
Gửi bởi Hải Điềm
Ngày gửi: 16/06/2026 17:31
Số lần sửa: 1
Lần sửa cuối: 16/06/2026 17:38 bởi Hải Điềm
Xoá bởi: Vanachi
Lý do xoá: chưa có bản dịch



Nguyên bản:
Frères humains, qui après nous vivez,
N’ayez les cueurs contre nous endurciz,
Car, si pitié de nous pouvres avez,
Dieu en aura plustost de vous merciz.
Vous nous voyez cy attachez cinq, six:
Quant de la chair, que trop avons nourrie,
Elle est pieça devorée et pourrie,
Et nous, les os, devenons cendre et pouldre.
De nostre mal personne ne s’en rie,
Mais priez Dieu que tous nous vueille absouldre!

Se vous clamons, frères, pas n’en devez
Avoir desdaing, quoyque fusmes occis
Par justice. Toutesfois, vous sçavez
Que tous les hommes n’ont pas bon sens assis;
Intercedez doncques, de cueur rassis,
Envers le Filz de la Vierge Marie,
Que sa grace ne soit pour nous tarie,
Nous preservant de l’infernale fouldre.
Nous sommes mors, ame ne nous harie;
Mais priez Dieu que tous nous vueille absouldre!

La pluye nous a debuez et lavez,
Et le soleil dessechez et noirciz;
Pies, corbeaulx, nous ont les yeux cavez,
Et arrachez la barbe et les sourcilz.
Jamais, nul temps, nous ne sommes rassis;
Puis çà, puis là, comme le vent varie,
A son plaisir sans cesser nous charie,
Plus becquetez d’oyseaulx que dez à couldre.
Ne soyez donc de nostre confrairie,
Mais priez Dieu que tous nous vueille absouldre!

ENVOI.
Prince Jesus, qui sur tous seigneurie,
Garde qu’Enfer n’ayt de nous la maistrie:
A luy n’ayons que faire ne que souldre.
Hommes, icy n’usez de mocquerie
Mais priez Dieu que tous nous vueille absouldre!


Chú thích:
Bài thơ này được sáng tác bằng tiếng Pháp trung đại và tồn tại dưới nhiều tiêu đề khác nhau, trong đó phổ biến nhất là “Ballade des pendus”.


Nguồn:
[Thông tin ẩn]

(Bài viết được gửi tự động)