Nplaig mag txiav
(Bản tiếng Mông)

Kuv tau muaj ib tug nplaig
nws yeej hais qhov tseeb
ces raug muab txiav
los ntawm cov suab nrov npuas tes

Tom qab ntawv, kuv kawm nyob twj ywm
muaj ntau tug tia kuv tus cwj pwm zoo
muaj npe hu ua tus paub cai
thiab muab tso rau hauv daim ntawv ua neej zoo

Muaj ib zaug, kuv ncauj ncab hais tawm:
Vim li cas ho ua li no?
Txhua tus ntsia kuv
zoo li kuv nyuam qhuav tso foob pob hauv tshav puam

Muaj ib tug rub kuv mus rau ib sab
hais tias: Zaum tom ntej tham tsawg xwb,
kom ciaj sia

Txij thaum ntawv, kuv muab nplaig tso rau hauv lub qa
tsuas siv los noj mov
siv los luag thaum yuav thaij duab xwb

Qee zaum
xav hai tawm plaws
xav quaj tau ib yam dab tsi
tiam sis yus txoj kev xav rov los ua kev ntshai

Tam sim no, kuv nyob zoo
thiab txhua tus nyiam kuv
Tsuas yog, txhua hmo
Yus hnov yus tus nplaig quaj hauv qhov ncauj