Kev nco hlob ua nyom
(Bản tiếng Mông)

Kev nco hlob ua nyom rau saum lub tsho
kuv tsis muaj sij hawm rho
twb ntsuab tas txoj kev
thaum twg koj taug dhau

Koj lub qhov muag
zoo li ib rab hlau nthua
khawb tob rau hauv kuv lub siab
ua kom noob tu siab tawg hlob

Kuv mus laij teb hauv daim teb
tus twm los kuj nkees nkees ua pa huj hawv
Nws ua pa zoo ib yam li kuv
hu koj ntawm qhov chaw no zog ntaug

Koj e, saib kev hlub tsis yog nyiaj yog kub
saib kev hlub zoo li ib lub noob mov xwb
yog kuv tsis muaj koj
kuv lub neej tsis muaj peev xwm khwv noj

Kuv ris kev nco
hla txhua hmo
kom tag kis sawv ntxov
xa tas nrho kev nco tuaj ris rau koj